أزمة عمرو دياب ودينا الشربيني: ليه اللي قالته مادلين طبر عن الموضوع أثار الجدل؟

الكام أسبوع اللي فاتوا، كل شوية نسمع خبر جديد ورأي مختلف عن مشكلة انفصال عمرو دياب ودينا الشربيني.. ومهما بيعدي الوقت، لسه الموضوع مبيقدمش ولسه الناس بتتكلم فيه! وبعض الفنانين تدخلوا بطريقة غير مباشرة زيّ الفنانة وفاء عامر اللي نشرت صورة لدينا الشربيني على صفحتها الخاصة وكتبتلها فيه كلام مشجع مضمونه إنها فنانة جميلة وقوية، ولكنها ماتكلمتش في موضوع انفصالها عن عمرو بشكل واضح. من الفنانات اللي كمان اتدخلوا في الموضوع هي الفنانة مادلين طبر.. بس هي إيه اللي قالتوا أثار الجدل على السوشيال ميديا؟

خلال حوار سريع مع مادلين في مهرجان القاهرة السينمائي، سألتها المذيعة عن دينا وعمرو، وبدأت مادلين في الرد على السؤال باستفاضة.. فقالت مادلين إن الكل متعاطف مع دينا ولكن كمان لازم نحس بعمرو اللي ممكن يخسر نصف ثروته حسب القانون الإنجليزي لو أعلن عن زواجه من دينا رسميًا.. وضرورة التوصل لحل وسط.. ورغم كل ده، قالت مادلين إن لازم عمرو يضحي ويعلن زواجه رسميًا من دينا.. ولكن جات المشكلة لما قالت “مش غلط الزواج العرفي، معترف به، فليكن وربنا يوفقهم”..

الجدل حصل لسببين، بسبب مقولة إن الجواز العرفي شيء عادي، وكمان للتدخل الجامد في موضوع حساس وخصوصي زيّ ده، والدخول في التفاصيل اللي البعض شاف إنها كانت مشاركة زيادة من الفنانة. فمن بعد نشر اللقاء ده، بدأ ياخده جميع الجهات الصحفية كمادة فيها نوع من التقرير و”كشف سر الخلاف” عن الموضوع اللي الكل عايز يعرفوا، وكأنها قدمت إجابة لكل اللي كان بيتسأل عن السبب الحقيقي للانفصال. ففي بعض الناس هاجمت مبدأ التدخل الزائد في خصوصيات الآخرين، وفي اللي شاف إن الموضوع عادي ولا يعتبر تدخل لإن الكل بيتكلم فيه، وكمان الفنانة مادلين كانت بتتكلم بحسن نية وحب للطرفين، بنية الإصلاح مش التدخل.

آخر كلمة: ماتفوتوش قراءة “ردود أفعال الناس على الكلام اللي انتشر عن انفصال عمرو دياب ودينا الشربيني“.

تعليقات
Loading...
Tweet
Share
Share
Pin