أحمد مكي ولا فان ديزل؟ من كواليس مسلسل “الاختيار 2”

انتشرت صورة للفنان الكبير أحمد مكي من كواليس تصوير مسلسل “الاختيار 2” اللي هيتعرض في رمضان اللي جاي، والصورة عملت ضجة على مواقع السوشيال ميديا، فكان لابس لبس شرطة وماسك سلاح ناري، وتداولها ناس كتير جدًا، وحتى شبهوه بفنان هوليوود العالمي النجم فان ديزل.

عن: youm7
عن: youm7

والمسلسل من إخراج بيتر ميمي وهيشارك فيه النجم كريم عبد العزيز والنجم إياد نصار، وهتكون حاجة جديدة للفنان أحمد مكي، فإحنا متعودين عليه في أدوار الكوميدي والضحك، ولكن الدور ده يعتبر جديد بالنسبة ليه، فهو دور درامي وأكشن، وكلنا متشوقين نشوف هيقدملنا إيه، ومتأكدين إنه مش هيخيب ظننا، علشان أي حد اتفرج على مكي هيبقى متأكد إنه فنان موهوب جدًا، ويقدر يقدم أي دور بشكل متقن، وغير إنه ممثل شاطر دا كمان شوفناه بيغني أغاني راب وبيبقى وراها هدف معين زيّ أغنية “وقفة ناصية زمان”.

وشوفنا مكي في كذا فيلم زيّ “اتش دبور”، و”طير أنت”، و”لا تراجع ولا استسلام”، وكلهم عجبونا جدًا وعلقوا مع الجمهور، ولكن هيفضل مسلسل “الكبير أوي” بأجزاءه الخمسة هو واحد من أحسن المسلسلات المصرية الكوميدية على مدار تاريخها، وخصوصًا الكيميا اللي كانت بينه وبين دنيا سمير غانم، وبعد مطالبات الجمهور قرر إنه يعمل منه جزء سادس، وكلنا بنتمنى يكون فعلًا في جزء سادس وسابع من المسلسل اللي كلنا بنحبه.

آخر كلمة: ماتفوتوش قراءة: ظواهر لأول مرة نشوفها في دراما رمضان 2021

تعليقات
Loading...
Tweet
Share
Share
Pin