أحمد مالك على لسان كل المشاهير والسبب فيلمه الجديد

شارك أحمد مالك في فيلمه الأخير من إنتاج استرالي “حارس الذهب” اللي اتقابل بآراء إيجابية من النقاد حوالين العالم. الفيلم من إخراج وتأليف روديك ماكاي. وبيشارك معاه في الفيلم نجوم استراليين كبار زي ديفيد وينهام، وجاي راين، وماهيش جادو، وبايكالي جانمبار، وتريفور جاميسون والممثل العراقي أسامة سامي، وهو أول فيلم عالمي يشارك فيه الفنان أحمد مالك. وشارك الفيلم في فعاليات مهرجان الجونة السينمائي 2020 بمصر في دورته الرابعة.

حضر العرض مشاهير كتير لمساندة الفنان، وعلق الجميع على أداء أحمد مالك في الفيلم الاسترالي، وكانوا منبهرين بيه، وعبروا عن فخرهم بيه وعن تفائلهم بمشواره الفني، فمثلًا باسل الزارو قال إن الفيلم ده هيوصل أحمد مالك في حتة تانية، وعبر الكاتب تامر حبيب عن فخره بالفنان وإنه كان أحلى حاجة في الفيلم على حسابه على موقع انستجرام، وقالت الفنانة ميس حمدان إنه موهوب جدًا وبيدينا أمل في عالمية الفنانين العرب وبتنصح الفنانين الشباب إنهم مايستسلموش في الوصول للعالمية. وقالت تارا عماد إنها فخورة جدًا بيه وإن دي بداية لحاجات تانية كبيرة هيوصلها قريب.

أحمد مالك كان تريند على السوشيال ميديا بعد عرض الفيلم في المهرجان، وبعد حضوره على السجادة الحمراء، ففاجئنا باطلالة جديدة وجميلة، ولبس بدلة مختلفة عن اللي احنا متعودين عليه، وكان ماسك كاميرا بيصور بيها الصحافة، والكل اتكلم عن خفة دمه، وتواضعه، وحضوره وسط الجمهور والصحفيين، وقال إنه فخور جدًا بعرض فيلمه في مهرجان الجونة االسينمائي المصري.

قصة الفيلم بتدور حولين واحد أفغاني بيرعى جمال عايش في نهاية القرن الـ 19 في استراليا وبيحاول يرجع لبلده، ومع تتابع أحداث الفيلم بيشارك حطاب بيهرب سبائك دهب مختومة بختم الملك، وبيحاولوا يهربوا من الشرطة ويشيلوا ختم الملك من السبائك.

آخر كلمة: ماتفوتوش قراءة: أحمد مالك بيتصدر البوستر الرسمي للفيلم الأسترالي “حارس الذهب” اللي هيشارك في مهرجان الجونة اللي جاي

تعليقات
Loading...
Tweet
Share
Share
Pin