في القرن ال16، شهدت مدينة البندقية الإيطالية على ولادة قماش الدانتيل فيها، وكلمة “دانتيل” معناها الأسنان الصغيرة، بعد كده بقى للدانتيل مكانة خاصة في التاريخ وبقى الخيار الأول للملكات والأميرات من العصر الفكتوري لحد النهاردة، وهو لسه بيحتفظ بمكانته كبيت أزياء راقية بالنظر لظروف تصنيعه وللعمل اليدوي المطلوب.
وبتعتمد أهم بيوت الأزياء في العالم على الدانتيل في تصاميمها الراقية لإنه بيدي لمسة خاصة فيها فخامة وأنوثة، وعلشان كده بقي اليوم العالمي للدانتيل في نهاية شهر سبتمبر مهم لعالم الموضة بالنظر لأهميته الكبيرة ليها.
ومع الاحتفال باليوم العالمي للدانتيل، هنستعرض أهم بيوت الأزياء لمصممين من أصول عربية بيستخدموا الدانتيل في تصميماتهم البديعة.
زهير مراد
الدانتيل من الأقمشة الجذابة واللي بيستخدمها كتير من المصممين العرب علشان يخلوا تصاميمهم ليها شكل مختلف وفريد من نوعه، من أبرزهم زهير مراد اللي له لمسة خاصة في الموديلات اللي بيظهر فيها الدانتيل بشكل كبير.
وأتنوعت تصاميم أزياء زهير مراد المستخدم فيها الدانتيل ما بين الجواكت وفساتين السهرة، وكل مجموعة تقريبًا لازم يكون فيها دانتيل بشكل عام، وبيصمم باستخدامه موديلات رائعة من الفساتين.
جورج حبيقة
جورج حبيقة معروف عنه البعد عن البهرجة في تصميماته وبيقدم لنا دايمًا أزياء راقية بتتميز بالألوان الهادية، وفساتين مصنوعة من الخامات الفاخرة اللي بتتنوع ما بين الفساتين الطويلة الأرستقراطية الراقية والفساتين القصيرة المنتفخة. والمميز هنا إنه مش بتخلو التصميمات دي من الخامات الفاخرة والتطريزات اللي فيها لمسة فنية باستخدام الدانتيل والأحجار اللامعة واللؤلؤ وعقدة الفراشة. وحبيقة إابتكر تصاميم أتعرضت في أوروبا وأميركا وآسيا ودول الخليج.
ريم عكرا
قدمت مصممة الأزياء اللبنانية العالمية ريم عكرا مجموعات كتير بتعتمد على الدانتيل، خصوصًا فساتين الزفاف اللي بتتميز إنها مزينة بالدانيل، ده غير الساتان الأبيض البسيط اللي بتستخدمه في بعض الفساتين.
إيلي صعب
ايلي صعب معروف بأزيائه المميزة والعالمية، خصوصًا فساتين الزفاف والسهرات، وهو من مصممين الأزياء العالميين اللي بيصمموا للمشاهير من نجوم غناء وسينما عالميين وعائلات مالكة، وبيستخدم الدانتيل في تصميماته بشكل مبهر.
