آخر التطورات: حبس متحرش المعادي وتعديل تشريعي لتشديد عقوبة التحرش بالأطفال

بعد ما كلنا شوفنا واقعة التحرش البشعة اللي حصلت لطفلة وتم التقاطها بكاميرا مراقبة، وبعد ما الكل ساهم بكل اللي يقدر عليه علشان يستدلوا على هوية المتحرش وياخد جزاءه، بالفعل تم القبض عليه والتحقيق معاه. ومن ناحية تانية، ظهرت أخبار عن تعديل تشريعي جديد لتشديد عقوبة التحرش بالأطفال، علشان يكون الرادع قوي وحازم بنسبة لأي حد يفكر إنه يستبيح أجساد الناس بدون وجه حق.

من حيث التحقيقات، فبعد ما تم العثور والقبض على المتحرش محمد جودت، وخلال التحقيق معاه قال إنه يعرف الطفلة وإنه كان دايمًا بيساعدها ماديًا بشراء المناديل منها وإنه كان بيهزر معاها. ومن بعد التحقيقات أمرت نيابة جنوب القاهرة الكلية بحبس المتهم 4 أيام على ذمة التحقيق، وحبس صديقه هو كمان 4 أيام على ذمة التحقيق لإنه تستر عليه وخباه في بيته رغم معرفته باللي عمله وإن الشرطة كانت بتدور عليه.

أما الشق التاني من الموضوع، فبعد حدوث الواقعة دي، تقدم الدكتور أيمن أبو العلا وكيل لجنة حقوق الإنسان بمجلس النواب بتعديل تشريعي علشان يزيد عدد سنوات حبس المتهمين بالتحرش بالأطفال كحماية للأطفال من أي أذى نفسي أو جسدي ممكن يقع عليهم.

التعديل المقترح بينص إن تكون سنوات السجن 7 سنين لو سن ضحية التحرش لا يزيد عن 12 سنة. فصغر السن وضعف الإدراك والمقاومة عوامل هي اللي تستدعي تشديد العقوبة زيّ ما وضحوا. فقال النائب “دعمًا للدولة في هذا المجال تدخلنا بعمل تعديل تشريعي بنص المادة 306 مكرر فقرة (ب) والخاصة بتجريم التحرش الجنسي، لاسيما في ظل تعدد هذه الظواهر في الفترة الأخيرة.”

آخر كلمة: ماتفوتوش قراءة: “لاستمرار دعم الناجين من العنف: قضايا التحرش والتنمر اللي شوفناها في 2020” …

تعليقات
Loading...
Tweet
Share
Share
Pin